Rritja e çmimeve, shtrenjtimi i jetesës dhe dështimi i politikave të qeverive në vendet e BE-së për të frenuar inflacionin po shkaktojnë një valë protestash gjithnjë e në rritje të qytetarëve. Miliona njerëz të klasës punëtore në Europë, po shkojnë në grevë, duke protestuar kundër pagave të ulëta, kushteve të këqija të punës, sigurimeve, pensioneve, arsimit, si dhe shërbimeve të këqija nga kompanitë publike, si ajo që ndodhi në Greqi me tragjedinë e Tempes.