Serbia bëhet vendi i parë në evropë që fillon prodhimin e vaksinës ruse Sputnik V. Vaksina do të prodhohet në institutin Torlak në Beograd dhe mundet që në një fazë të mëvonshme të eksportohet edhe në vende të tjera të rajonit. Moska njoftoi fillimin e prodhimit të vaksinës së saj Sputnik V në Serbi, vendi i parë evropian, jashtë rusisë dhe bjellorusisë që fillon prodhimin e saj. “Serbia është bërë vendi i parë në evropën jugore që prodhon Sputnik V” tha fondi rus për investimet direkte që mbështet financimin e vaksinës. Serbia tha se prodhimi do të fillojë më 20 maj. Presidenti serb, Aleksandar Vucic, pritet të vizitojë Institutin Torlak në Beograd, ku vaksina do të prodhohet. “Seria e parë e vaksinave Sputnik V u mbushën në institutin Torlak të mërkurën”, tha ministri serb i inovacionit Nenad Popovic në Tëitter. Serbia filloi vaksinimet e sputnik në fillim të janarit. “Shkalla e vaksinimit mund të rritet në mënyrë domethënëse falë lanchimit të prodhimit lokal”, tha shefi ekzekutiv i fondit rus të investimeve direkte Kirill Dmitriev në një deklaratë. Vaksina mund të eksportohet edhe në vende të tjera të rajonit në një fazë të mëtejshme – tha fondi. Rusia e regjistroi Sputnik V gushtin e kaluar para përfundimit të testeve klinike të fazës së tretë duke ndezur shqetësim mes ekspertëve për shkak të ritmeve të shpejta. Por më vonë, vlerësimet kanë qenë kryesisht pozitive me revistën mjekësore The Lancet që ka publikuar rezultate që tregojnë se ajo është e sigurt dhe më shumë se 90 për qind efikase. Vaksina tani ëhstë regjistruar për përdorim në disa dhjetëra vende.