Presidenti rus Vladimir Putin ka deklaruar të premten se vaksina Sputnik është më efektivja kundrejt variantit të ri, Omicron. Putin tha në një konferencë për shtyp se ajo funksionon më mirë në krahasim me vaksinat e tjera kudrejt këtij variant. Kreu i Kremlinit thotë po ashtu se Rusia është gati për të furnizuar vendet e tjera, përfshirë vendet europiane, me vaksinën Sputnik Light e cila mund të përdoret si një dozë përforcuese. Presidenti rus njofton seRusia mund të sigurojë vaksina falas për vendet më të varfra. Ndërkohë, Fondi Rus i Investimeve Direkte (RDIF) ka njoftuar se vaksinimi me vaksinën ruse Sputnik V shkakton një përgjigje “neutralizuese” të antitrupave ndaj variantit Omicron, ndërsa doza përforcuese me Sputnik-Light rrit efektivitetin e vaksinave të tjera kundër variantit. “Gjithashtu Sputnik-Light si një dozë përforcuese rrit ndjeshëm efektivitetin kundër variantit Omicron, duke siguruar mbrojtje kundër sëmundjeve të rënda dhe shtrimit në spital për shkak të variantit Omicron”, thekson fondi.