Një e treta e prindërve amerikanë nuk kanë në plan të vaksinojnë fëmijët e tyre për gripin, këtë vit, pavarësisht mundësisë reale që fëmijët e tyre mund të preken edhe nga covid 19. Për më tepër, dy të tretat e prindërve nuk besojnë se marrja e vaksinës së gripit për fëmijët e tyre këtë vit është më e rëndësishme se më parë pavarësisht këshillës për të bërë të kundërtën nga shumë organizata qeveritare dhe mjekë pediatër. “Fëmijët më të vegjël se pesë vjec, vecanërisht ata nën moshën 2 vjec, janë të rrezikuar nga komplikime serioze të lidhura me gripin”, thotë qendra amerikane për kontrollin dhe parandalimin e sëmundjeve, duke shtuar se marrja e vaksinës së gripit gjatë pandemisë, për të gjitha moshat, është më e rëndësishme se kurrë. Ne mund të shohim pikun e gripit dhe të covidit në të njëjtën kohë e një gjë e tillë mund të gjunjëzonte sistemin e kujdesit shëndetësor, të testonte kapacitetin në ekstrem dhe të reduktonte me gjasa edhe mundësinë tonë për ti kapur dhe trajtuar të dyja sëmundjet me efikasitet – thonë ekspertët. Antoni Fauci, eksperti kryesor i sëmundjeve infektive në shba, ka nënvizuar po ashtu rëndësinë e marrjes së vaksinës së gripit këtë vit, duke këshilluar që ajo të mos merret më vonë se tetori. Fëmijët humbin jetën nga gripi cdo vit. Në shba kishte 188 vdekje pediatrike nga gripi të raportuara për sezonin e gripit 2019-2020. Por sipas zyrtarëve, kjo është vetëm maja e ajsbergut pasi shumë vdekje të tjera nga gripi nuk raportohen.