Pas apelit të fortë të Shjteteve të Bashkuara të Amerikës dhe Bashkimit Europian, Serbia ka nisur të largojë ushtrinë e saj nga kufiri me Kosovën. Media në Kosovë raporton se autokolonat ushtarake serbe janë parë të lëvizin nga Vranja në drejtim të Nishit, duke shkuar të paktën 100 kilometra larg kufirit më të afërt me Kosovën, Merdarën. Largimi i ushtrisë është konfirmuar edhe me foto të publikuara nga Radio Evropa e Lirë, teksa vendimi i Vuçiçit për të tërhequr ushtrinë duket se vjen pas një reagimi të ashpër të faktorit ndërkombëtar. Një ditë më parë ishte sekretari amerikan i Shtetit, Anthony Blinken, që telefonoi presidentin serb dhe e kritikoi ashpër jo vetëm për ngjarjet destabilizuese të të dielës, por edhe për dërgimin e ushtrisë në kufi me Kosovën. Vetë Vuçiç pranoi se Blinken e kishte kërcënuar me masa të ashpra, nëse nuk do të largonte ushtrinë nga Kosova, teksa paraditen e të shtunës, një apel të tillë e bëri edhe Bashkimi Europian, nëpërmjet përfaqësuesit të lartë për Politikën e Jashtme, Josep Borrel. Pamjet: AFP