Një zyrë rekrutimi ushtarak është zbuluar në Petrozavodsk, një qytet në veri të Rusisë. Sipas REL, një 36-vjeçar, baba I katër fëmijëve, ndërsa ishte në gjendje të dehur është marrë në qendër dhe në mënyrë të pavetëdijshme ka kontratë të detyrueshme me ushtrinë. Grupet ruse për të drejtat e njeriut raportojnë se raste të tilla po bëhen më të zakonshme, ku burra në gjendje të dehur po detyrohen ose mashtrohen për të nënshkruar kontrata ushtarake. Sipas raportimeve, ushtria ruse po përballet me mungesë të ushtarëve. Instituti për Studimin e Luftës ka nënvizuar se shkalla e humbjeve të Rusisë e tejkaloi atë të rekrutimit në janar 2026. Që prej fillimit të pushtimit të plotë të Ukrainë, Moska ka shpallur publikisht mobilizim të pjesshëm në nivel kombëtar vetëm një herë, në vitin 2022. Që atëherë, Kremlini ka vazhduar të plotësojë forcat e tij përmes fushatave të vazhdueshme të rekrutimit, duke afruar në ushtri të burgosur, persona nën hetim penal dhe shtetas të huaj. Rekrutimi përmes parave po bëhet gjithnjë e më i vështirë, thonë grupet për të drejtat e njeriut. Kjo është arsyeja pse rekrutuesit, për të përmbushur kuotat, po rekrutojnë edhe persona me varësi nga alkooli, sepse marrin bonuse për çdo person që sjellin.