Dy ushtarët kinezë të kapur rob nga Ukraina ndërsa luftonin për llogarinë e rusisë, pretendojnë se ishin "ushqyer me gënjeshtra" për fuqinë e forcave të Vladimir Putinit. Ëang Guangjun dhe Zhang Renbo ishin shtetasit e parë kinezë që u kapën ndërsa luftonin në Ukrainë, disa javë më parë, dhe që atëherë ata kanë zbuluar të vërteta të sikletshme për ushtrinë ruse. Të veshur me uniforma ushtarake dhe të prangosur, të dy ata zbuluan në një konferencë në Ukrainë se Rusia "i kishte ushqyer me gënjeshtra dhe se gjithcka që u ishte thënë ishte e pavërtetë”. Dy shtetasit kinezë madje thonë se "Rusia nuk është aq e fortë sa pretendojnë ata dhe Ukraina nuk është aq e prapambetur sa thonë ata". Presidenti i Ukrainës Zelensky fillimisht kishte kërkuar nga Pekini të shpjegonte pse ushtarët kinezë po luftonin për Rusinë. Por Ëang dhe Zhang sqaruan se ata nuk luftonin në emër të Kinës dhe as nuk kishin lidhje me autoritetet shtetërore kineze. Në vend të kësaj, Ëang zbuloi se ai ishte rekrutuar në mënyrë të çuditshme përmes një reklame në TikTok. Zelensky ka pohuar më parë se Rusia po kërkonte të rekrutonte luftëtarë kinezë duke reklamuar hapur në TikTok dhe rrjete të tjera sociale kineze. Pasi humbi punën verën e kaluar, Ëang u bashkua me trupat ruse pasi një rekrutues i tha atij se mund të fitonte deri në 3 mijë dollarë ose 250,000 rubla ruse, në muaj. Udhëtimi për në rusi ishte i paguar dhe në mbërritje iu dhanë edhe dokumentet e nevojshme për të hyrë në ushtri. Por pagesa e premtuar nuk iku dha kurrë dhe rusët i kishin marrë kartën bankare dhe telefonin. E njëjta histori u dha edhe nga ushtari tjetër i kapur rob. Të dy ata u kapën në donetsk nga forcat ukrainase, pak pasi kishin mbërritur në vijën e frontit. Zelenski tha javën e kaluar se kishte të paktën 155 shtetas kinezë që luftonin për Rusinë. Kina ka mohuar që disa nga qytetarët e saj i janë bashkuar ushtrisë ruse dhe ka lëshilluar shtetasit që "të shmangin pjesëmarrjen në operacionet ushtarake të ndonjë pale tjetër", duke nënvizuar se ajo është një "mbështetëse e vendosur" e paqes në Ukrainë.