Autoritetet e Mbrojtjes Civile kanë kërkuar zyrtarisht përfshirjen e forcave të armatosura të ushtrisë në operacionin e kërkimit të trupave të 39-vjeçares, Alma Arrazi dhe dy fëmijëve të saj, 8 dhe tre vjeç. Agjencia Kombëtare e Mbrojtjes Civile, në varësi të Ministrisë së Mbrojtjes, i ka bërë një kërkesë zyrtare Forcave të Armatosura që të bashkohen për të dhënë ndihmën e tyre në operacionin e policisë, RENEA dhe FNSH për gjetje e tre trupave të pajetë që dyshohet se janë mbytur në lumin Buna, nënës Alma Arrazi dhe dy fëmijëve të saj.