Japonia ka angazhuar trupa ushtarake për të përballuar një rritje të sulmeve të arinjve, që kanë vrarë një numër rekord njerëzish që nga prilli. Shumica e këtyre vdekjeve kanë ndodhur në prefekturat malore Akita dhe atë fqinje Iëate në veri të vendit. Ushtarët kanë filluar një operacion në qytetin Kazuno, ku banorëve u është thënë të shmangin pyjet e dendura që i rrethojnë dhe të qëndrojnë në shtëpi pas errësirës. Njerëzit madje kanë vendosur kambana në oborre e shtëpi për të trembur arinjtë që mund të kërkojnë ushqim. Ka pasur më shumë se 100 sulme arinjsh, me një rekord prej 12 personash të vrarë në të gjithë Japoninë gjatë këtij viti, sipas ministrisë së mjedisit. Ushtarët do të ndihmojnë në transportimin, vendosjen dhe inspektimin e kurtheve për të kapur arinjtë, por ata edhe do të vriten nga gjuetarë të trajnuar. "Banorët e qytetit e ndiejnë rrezikun çdo ditë," tha kryebashkiaku i Kazunos pasi takoi disa trupa të angazhuara në operacion.