Në një stërvitje ushtarake, me tanket më të mirë të saj, ushtria gjermane u përball me një skandal pasi Pumat me të cilat ajo krenohet rezultuan jo funksionalë. Opozita menjëherë akuzoi qeverinë për keqmenaxhim të Bundesverit... Sipas kritikëvëe, Pumat supozohen se janë sistemet kryeosre të armatimeve të ushtrisë gjermane e nëse ata nuk janë operacionalë, e gjithë ushtria nuk është operacionale. Ministrja e mbrojtjes, Kristin Lambrecht, reagoi duke thënë se kritikat janë të justifikuara dhe se ka porositur departamentet e ushtrisë dhe prodhuesin e tankeve, që deri në fund të javës së ardhshme ti dorëzojnë një analizë të plotë. E ndërkohë,në stërvitjet e NATO-s tani do të përdoren tanket më të vjetra të tipit Marder, tha Lambrecht. Dështimi total i Puma-s nuk është kurrsesi e vetmja mangësi alarmuese në ushtrinë gjermane. Së fundmi u raportua në media të ndryshme se Bundesëehr kishte municion vetëm për dy ditë luftime intensive. Shifra me sa duket doli nga burime të paidentifikuara nga qarqet e mbrojtjes. Nëse është e vërtetë, gjë që nuk mund të konfirmohet pasi është një sekret shtetëror, rezervat e municioneve të Gjermanisë janë shumë më poshtë se standardet të NATO-s, e cila kërkon që çdo vend anëtar të ketë një rezervë municioni 30-ditor. Sipas ekspertëve të mbrojtjes, Gjermania duhet të investojë 20 deri në 30 miliardë euro vetëm për të kompensuar këtë mangësi.