Me një maskë gazi në fytyrë, një i ri kryen një seri të shpejtë pompash, kërcimesh dhe ushtrimesh të tjera në stendën e rekrutimit të ushtrisë gjermane në FIBO, ekspozita më e madhe e fitnesit në botë, e hapur në Këln. Gjermania shpreson të rrisë numrat në forcat e saj të armatosura, duke tërhequr dhjetëra mijëra vullnetarë të rinj, një detyrë e vështirë në një vend ku shumë të rinj e shohin shërbimin ushtarak me skepticizëm. Për të gjetur rekrutë të rinj, Bundesëehr duhet të mbështetet në fuqinë e bindjes dhe e sheh panairin FIBO si një vend i përshtatshëm për të fituar ushtarët e së nesërmes. "Grupi i synuar është pikërisht këtu, ne mbështetemi te njerëz të rinj, atletikë dhe të motivuar për t'u bashkuar me shërbimin", tha për AFP-në togeri 30-vjeçar që komandonte stendën. "Ne mund t'u afrohemi atyre në mënyrë efektive këtu." Dhe duket se kjo fushatë po jep rezultate. Disa të rinj thonë se janë të hapur për t’u bashkuar me ushtrinë në vitet e ardhshme. "Të jem atje për të mbrojtur vendin tim është padyshim një mundësi", thotë një prej të rinjve.