Dhjetëra fermerë italianë me traktorë, nisën të mblidheshin që nga e hëna në portat e romës, duke u përgatitur për një protestë të madhe që ka si qëllim ti bëjë presion qeverisë që të përmirësojë kushtet e tyre të punës. Rreth 50 traktorë nga Toskana iu drejtuan rrugës Nomentana, një rrugë hyrjeje për në qendër të romës. “Do të marshojmë deri para parlamentit, të enjten ose të premten, me traktorët tanë”, thotë një fermer nga toskana. Rreth 200 traktorë të tjerë ndërkohë u mblodhën edhe në një autostradë në torino. Kryeministrja italiane Giorgia Meloni, tha se zemërimi i fermerëve vinte nga tranzicioni ambjentalist, që ajo thotë se ka prekur jetët e tyre. Liderja e të djathtës ekstreme kritikon rregullisht rregulloret e BE-së duke i quajtur ato edhe sulm ndaj interesave bujqësore të Italisë. Por, ajo sidoqoftë ka pranuar se ndihmat e BE-së për sektorin italian të bujqësisë janë rritur nga 5 në 8 miliardë euro pas rinegocimeve të fundit. Italia është vetëm një prej vendeve të evropës ku fermerët po protestojnë prej javësh duke kërkuar taksa më të ulëta për karburantin, cmime më të mira për produktet e tyre dhe një zbutje të rregulloreve të BE-së për ambjentin që ata thonë se e bën më të vështirë konkurencën përballë produkteve të huaja, më të lira. Javën e kaluar, 1300 traktorë u mblodhën rreth zonës ku po mbahej një samit i BE-së në Bruksel. Protesta të ngjashme janë zhvilluar ehde në francë e holandë. E në një situatë të tillë, shefja e BE-së, Ursula von der Leyen, rekomandoi të martën që blloku të hedhë poshtë planin për të ndaluar përdorimin e pesticideve në bujqësi, si një lëshim ndaj fermerëve protestues. Propozimi fillestar, në kuadër të tranzicionit të gjelbër të bllokut, është bërë simbol polarizimi – tha ajo. Por përdorimi i pesticideve është vetëm një prej elementëve që kanë shtyrë fermerët evropianë të protestojnë.