Një familje prej nëntë personash, përfshirë edhe dy fëmijë, u gjetën të vrarë në shtëpinë e tyre në qytetin lindor të Ukrainës të okupuar nga rusia, Volnovakha, në një masakër që ka ndezur zemërim në ukrainë dhe ka ndezur hetime nga të dyja vendet. Imazhet nga zyra e prokurorit rajonal ukrainas, treguan një skenë të tmerrshme krimi me shumë pjesëtarë të familjes të qëlluar me armë zjarri ndërsa ishin në shtrat, të përqafuar me njëri tjetrin e me njolla gjaku në mure. Ukraina pretendon se familja është vrarë nga forcat pushtuese ruse pas një përplasjeje, ndërsa autoritetet ruse thonë se dy ushtarë rusë janë arrestuar për vrasjen. Volnovakha është pushtuar nga forcat ruse që në mars 2022, në fillimet e pushtimit rus. Zyra rajonale e prokurorit në ukrainë tha se njerëz të armatosur, me uniforma ushtarake, i kishin kërkuar familjes që jetonte atje të largohej nga shtëpia dhe atje të vendosej një njësi e ushtrisë ruse. Kur pronari i shtëpisë kishte refuzuar, agresorët kishin kërcënuar anëtarët e familjes me dhunë fizike dhe ishin larguar. Disa ditë më vonë, personat e armatosur ishin kthyer dhe kishin ekzekutuar të nëntë pjesëtarët e familjes që ishin në gjumë në atë kohë. Në anën tjetër, hetuesit rusë thanë se dy ushtarë rusë ishin arrestuar të hënën në lidhje me vrasjen e nëntë personave në Volnovakha. Të dyshuarit janë anëtarë të ushtrisë ruse që shërbejnë me kontratë – tha komiteti hetimor i federatës ruse. Sipas hetuesve rusë, motivi i krimit ëhstë një konflikt mes tyre.