Rritja e çmimeve në muajin gusht vijoi me trendin e korrikut, por këtë herë duke u udhëhequr nga shtrenjtimi i ushqimeve, karburantet dhe sektori i qiradhënies. INSTAT raportoi se sipas metodilogjisë kombëtare, çmimet u rritën me 3.2 për qind, ose 0.2 për qind mbi objektivin e vendosur nga Banka e Shqipërisë. I njëjti tregues në gusht të vitit 2025 ishte 2.3 për qind, ndërsa krahasuar me korrikun çmimet e konsumit u rritën me 0.1 për qind. Kontribut negativ në rritjen e çmimeve kanë dhënë vetëm dy sektorë, ai i veshmbathjeve dhe informacioni dhe komunikimi. Krahasuar me muajin gusht 2025 rritja më e madhe e çmimeve vërehet në grupin e “Transportit” me 12,0 për qind, pasuar nga “Argëtim, sport dhe kulturë” me 5,4 për qind, “Sigurime dhe shërbime financiare” me 4,6 për qind dhe “Qira, ujë, energji elektrike, gaz dhe karburante të tjera”, me 3,7 për qind.