Ndihma humanitare në këmbim të armëve dhe municioneve, kështu e kanë komentuar analistët motivin e takimit të presidentit rus Vladimir Putin me liderin e Koresë së Veriut, Kim Jong Un. Kreu i Kremlinit e priti despotin koreano verior në Kozmodromin e Vostochny Cosmodrome dhe të dy së bashku ecën për disa minuta në këmbë për të parë nga afër bazën ajrore ruse, e ndërtuar në vitin 2016, prej ku nisen dhe anijet hapësinore. Pas shkëmbimeve të fjalëve të kortezisë mes njëri tjetrit të dy liderët së bashku dolën përpara disa gazetarëve për t’iu përgjigjur disa pyetjeve. Ishte presidenti Putin ai që vlerësoi marrëdhëniet e Rusisë me Korenë e veriut dhe që tha përpara reporterëve dy vendet do të nënshkruanin së bashku marrëveshje në shumë fusha, pa përjashtuar dhe shkëmbimin e armëve. Putin deklaroi se Kim Jong Un ishte shumë i interesuar për inxhinierinë e raketave, pas dështimit të lëshimit të dy satelitëve, dhe kjo ishte arsyeja kryesore se përse takimi mes të dyve u zhvillua në portin hapësinor të rusëisë.