Princesha Kejt e Uellsit, paralajmëroi të enjten se telefonat inteligjentë dhe pajisjet e tjera dixhitale po luanin një rol kyç në një "epidemi të shkëputjes" që kërcënonte zhvillimin e fëmijëve të vegjël. "Ndërsa pajisjet dixhitale premtojnë të na mbajnë të lidhur, ato shpesh bëjnë të kundërtën", shkroi Kate, bashkëshortja e trashëgimtarit të fronit, Princit William, në një ese të përbashkët me Profesor Robert Ëaldinger nga Shkolla Mjekësore e Harvardit. Kate, e cila ka tre fëmijë, Princin George, 12 vjeç, Princeshën Charlotte, 10 vjeç, dhe Princin Louis shtatë vjeç, tha se sfida ishte "veçanërisht akute" për foshnjat dhe fëmijët e vegjël të lindur në një botë të zhytur në teknologjinë dixhitale. Në një intervistë të dhënë javën e kaluar, bashkëshorti i saj Ëilliam tha se asnjërit prej fëmijëve të tyre nuk i lejoheshin telefonat. "Po rrisim një brez që mund të jetë më i 'lidhur' se çdo brez tjetër në histori, ndërkohë që njëkohësisht është më i izoluar, më i vetmuar dhe më pak i pajisur për të formuar marrëdhënie të ngrohta dhe kuptimplota që sipas studimeve janë themeli i një jete të shëndetshme", tha Kate në esenë e saj.