Raportohet se Rusia e ka urdhëruar arrestimin e zëdhënësit të kompanisë pronare te rrjetit social Facebook, Meta, duke e akuzuar atë për promovimin e terrorizmit. Urdhërarresti për Any Stone u bë publik më 26 nëntor nga uebsajti rus i lajmeve, Mediazona, sipas të cilit Ministria e Drejtësisë e Rusisë e kishte lëshuar atë në shkurt 2023. Stone, i cili nuk nuk ka dhënë ende komente, u vendos në shënjestër nga rusia për shkak të një ndryshimi në politikat e kompanisë Meta në mars 2022, rreth një muaj pasi Rusia nisi pushtimin e plotë të Ukrainës. Ndryshimi në politikat e Metës mundësoi që të bëheshin thirrje për dhunë kundër pushtuesve rusë, përfshirë thirrjet kundër presidentit Vladimir Putin, në platformat e saj, Facebook dhe Instagram. Dy platformat kryesore të Metës, Facebook dhe Instagram, u ndaluan në Rusi pak pas fillimit të pushtimit të Ukrainës në shkurt të vitit të kaluar.