Vrasja e shqiptarit Ergys Dashi në Ekuador, në javën e fundit të muajit janar, vijon të mbetet e pazbardhur ndërsa autorët e krimit enden të lirë. E ndërsa kjo ngjarje është në vëmendjen e mediave ekuadoriane, një tjetër detaj është bërë me dije në lidhje me vrasjen e tij ndërsa është bërë publik emri i një personi i cili dyshohet se urdhëroi vrasjen e Dashit më 22 janar. Bëhet fjalë për një person të quajtur Radoje, lider i klanit të Kavaçit, i cili mendohet se është personi që ka porositur ekzekutimin e shqiptarit Ergys Dashi në Ekuador. Bashkëpunimi mes dy klaneve, atij “Kovaç” dhe mafias shqiptare në Ekuador ka nisur disa muaj më parë por tashmë është shkatërruar, për shkak të përplasjes në dominimin e tregut të kokainës. Ky i fundit gjithashtu është bërë kryefjala e mediave serbe, pasi është shpallur në kërkim si personi që do ti bënte atentat presidentit serb, Aleksandër Vuçiç. Ergys Dashi ishte një nga drejtuesit e bandave shqioptare të drogës të pozicionuar në Ekuador. Viktima ishte me precedent penalë mbi trafik droge, shfrytëzim prostitucioni dhe armëmbajtje pa leje edhe pse në Ekuador ai nuk kishte asnjë procedim penal. Mediat ekuadopriane kanë bërë me dije se të paktën dhjetë anëtarë të një bande kriminale janë vënë në pranga, të akuzur për trafik droge, armëmbajtje pa leje, rrëmbim dhe vrasje. Gjatë kontrolleve në banesat e këtyre personave, policia sekuestroi katër pistoleta, 31 fishekë, dy automjete, 6 mijë dollarë cash, çeqe me vlerë 10 mijë dollarë dhe 49 kilogramë drogë.