RENEA ka zhvilluar një aksion blic me urdhër të SPAK në shtëpitë e 7 të fortëve në Fushë-Krujë, aksion ky qw vjen pak ditë pasi Top Story zbuloi ekskluzivisht se banda e Niklës ka qenë një prej grupeve të dyshuara për eliminimin e bankierit Artan Santo, edhe pse nuk ka ende njw deklarim zyrtar qw tw konfirmojw kwtw lidhje. Kontrolle u ushtruan në banesat e Durim Bamit, Valter Bamit, Bedri Hakës, Marklen Hakës, Gentjan Koçit, Ylli Çangut dhe Ervin Kodrës. Kontrollet, për të cilat policia thotë se janë gjetur prova, janë zhvilluar në funksion të procedimit penal të ndjekur nga SPAK-u ndaj një grupi të strukturuar kriminal. Siç konstatohet në dosjen hetimore, pikërisht dy prej pjestarëve të këtij grupi që u goditen kete te premte nga RENEA, janë mbajtur nën vëzhgim gjatë hetimeve për vrasjen e bankierit Artan Santo, edhe pse ende nuk janë gjetur prova bindëse. Bëhet fjalë për Valter Bamin, vëllain e Durim Bamit, dhe Mariglen Hakën, të cilët i janë nënshtruar vazhdimisht përgjimeve telefonike dhe atyre ambientale. Ashtu si edhe ne operacionin e fundit, kur policia njoftoi kete te premte se gjatë kontrollit të banesave janë gjetur dhe sekuestruar prova materiale që do t’i shërbejnë hetimit në interes të procedimit penal, sakaq nga burimet mesohet se gjate ketyre kontrolleve, nuk u gjeten ne banese disa prej personave qe kerkoheshin nga SPAK, mes tyre edhe Durim Bami dhe Marklen Haka. Një prej grupeve që dyshohet për ekzekutimit e bankierit, ngjarje e cila është ende e pazbardhur, është edhe grupi i të fortëve të Niklës. Gazetari Artan Hoxha dha gjatë emisionit të Top Story, kushtuar vrasjes së bankierit, indicie për një prej personave të dyshuar si ekzekutor, konkretisht për Enver Stafukën.