Temperaturat e ulëta në vend kanë alarmuar të gjithë qytetarët, ndërsa përvec disa rrugëve të cilat janë bllokuar në vend për shkak të dëborës dhe ngricave, problem pritet të jetë edhe uji. UKT këtë të premte ka dalë me një njoftim urgjent për të gjithë qytetarët duke i paralajmëruar që të marrin masa lidhur me furnizimin e ujit pasi ditë të vështira po vijnë. Përmes një postimi në Facebook, UKT kërkon nga të gjithë qytetarët që të marrin masa për të mbrojtur tubacionet brenda dhe jashtë banesave të tyre, pasi në ditët në vijim termometri do të shënojë temperatura me minus. E pikërisht këto temperatura të ulëta mund të shkaktojnë dëme në tubacine. Qytetarët këshillohen të marrin masa duke i izoluar ato, si dhe të telefonojnë për çdo problem në numrin e telefonit të vënë në dispozicion për ta.