Gjykata Ndërkombëtare Penale ka nxjerrë të tjera urdhër-arreste ndaj zyrtarëve të lartë izraelitë. Gazeta izraelite Haaretz shkruan se urdhër-arrestet janë lëshuar për një numër të paspecifikuar personash. Një burim diplomatik tha për Haaretz se urdhër-arrestet synojnë dy politikanë izraelitë dhe dy zyrtarë ushtarakë dhe se koha e lëshimit të kërkesës për arrestimin e tyre nuk dihet ende. Ky zhvillim i shtohet urdhër-arresteve të njohura më parë të lëshuara në nëntor 2024 për kryeministrin Benjamin Netanyahu dhe ish-ministrin e Mbrojtjes Yoav Gallant dhe vjen mes raportimeve të mëparshme se prokurorët kanë shqyrtuar ndjekjen e rasteve që përfshinin Ministrin e Financave Bezalel Smotrich dhe Ministrin e Sigurisë Kombëtare Itamar Ben-Gvir. The Ëall Street Journal raportoi një vit më parë se Kryeprokurori i GJND-së Karim Khan planifikonte të lëshonte urdhër-arreste për Ministrin e Financave Bezalel Smotrich dhe Ministrin e Sigurisë Kombëtare Itamar Ben-Gvir. Sipas raportit, Khan po hetonte rolin e ministrave në zgjerimin e vendbanimeve izraelite në Bregun Perëndimor dhe nëse kjo shkelte Konventat e Gjenevës, të cilat u ndalojnë vendeve spastrimin etnik në territoret që pushtojnë. Khan është pezulluar përkohësisht nga pozicioni i tij, në dritën e një ankese kundër tij se ai sulmoi seksualisht një nga punonjësit e gjykatës. Aktualisht tetë vende kanë ndaluar Ben-Gvir dhe Smotrich të hyjnë në territoret e tyre. Lista nis me Slloveninë, Australinë, Kanadanë, Holandën, Norvegjinë, Belgjikën, Spanjën dhe Zelandën e Re.