Autoritetet italiane njoftuan se pas një hetimi të përbashkët me SPAK-un në Shqipëri, autoritetet franceze, zvicerane dhe ato britanike kanë goditur një organizatë të fuqishme të trafikut të lëndëve narkotike nga Amerika Latine drejt BE-së dhe të trafikut të heroinës nga Shqipëria drejt Italisë. Në njoftimin e prokurorisë së rajonit të Breshias, thuhet se janë lëshuar 24 masa arresti, mes Shqipërisë dhe Italisë. Nga këto masa arresti 10 janë ekzekutuar në Breshia, ndërsa në Shqipëri është ekzekutuar njëra prej tyre.