Universiteti Mesdhetar i Shqipërisë ka nwnshkruar një marrëveshje bashkëpunimi me Universitetin e Mjekësisë, Tiranë, duke shënuar një hap të rëndësishëm drejt forcimit të partneriteteve akademike brenda vendit. Kjo marrëveshje synon të nxisë shkëmbimin e përvojave ndërmjet stafit akademik dhe studentëve, bashkëpunimin në projekte kërkimore si dhe organizimin e aktiviteteve të përbashkëta shkencore dhe profesionale. Ky partneritet konfirmon angazhimin e Universitetit Mesdhetar për të zgjeruar bashkëpunimin institucional dhe për të rritur cilësinë e arsimit të lartë në Shqipëri.