Shqipëria po humbet nxënës dhe studentë nga viti në vit, ndërsa tkurrja demografike dhe emigracioni po ndikojnë fort në sistemin arsimor. Sipas të dhënave më të fundit të INSTAT, në vitin shkollor 2025-2026 numri i regjistrimeve në arsimin parauniversitar ka rënë me 1.7%, ndërsa në total në shkolla dhe kopshte janë regjistruar rreth 399 mijë nxënës. Rënia më e fortë është shënuar në arsimin 9-vjeçar, ku ka 2.7% më pak nxënës krahasuar me një vit më parë. Sipas raportit, fenomeni i boshatisjes nuk prek më vetëm zonat rurale, por po shtrihet në të gjithë vendin.