Donald Trump iu përgjigj me zemërim pyetjeve në lidhje me një manifest që i atribuohej personit të akuzuar për përpjekjen për ta vrarë atë dhe zyrtarë të tjerë të lartë amerikanë. Teksti dukej se e quante presidentin amerikan “pedofil, përdhunues dhe tradhtar”. Cole Allen, një mësues 31-vjeçar nga Kalifornia, hapi zjarr në hotelin në Uashington të shtunën në mbrëmje, ku presidenti amerikan do të mbante një fjalim para gazetarëve. Vetëm pak minuta para sulmit, Allen i dërgoi familjes së tij një manifest anti-Trump në të cilin shkruante: “Nuk jam më i gatshëm të lejoj që një pedofil, përdhunues dhe tradhtar të mbushë duart me krimet e tij”, sipas një kopjeje të botuar nga Neë York Post. Në një shkëmbim të nxehtë gjatë një interviste të dielën në mbrëmje, Trump e quajti një gazetare të 60 Minutes “të turpshme” pasi ajo pyeti nëse ajo frazë i referohej presidentit.