Gjatë konferencës me gazetarët në përfundim të samitit të NATO-s në Hagë, Presidenti amerikan, Donald Trump renditi disa konflikti që pretendon se ai dhe administrata e tij kishte ndalur, apo kishte shmangur në javët dhe ditët e fundit. Trump u ndal nga konfliktet në Lindjen e Mesme, deri te ato në Azi. Mes tyre foli edhe për tensionet mes Serbisë dhe Kosovës. “Ndalëm Serbinë, që ishte gati të vepronte...”, tha Trump, por pa dhënë më shumë detaje për kohën se kur e ka ndalur Serbinë dhe as se ccfarë kishte ndërmend të ndërmerrte Serbia. E thënë në këtë formë nga Donald Trump, deklarata nënkupton se Serbia po përgatitej për përplasje me Kosovën, ndoshta edhe ushtarakisht. Megjithatë, të paktën javët dhe muajt e fundit as inteligjenca e Kosovës dhe as ndërkombëtarët nuk kanë ngritur shqetësim për përqëndrim të pazakontë të ushtrisë serbe në kufi me Kosovën. Për këtë arsye, deklarata e Trump pa referencë kohore, me gjasë lidhet me mandatin e parë të Donald Trump në presidencën amerikane, atëherë kur bëri bashkë në Shtëpinë e Bardhë, Abdullah Hotin, në atë kohë Kryeministër i Kosovës me presidentin serb Aleksandër Vuccicc.