Këto ishin fjalët e para të ish-kryeministrit Sali Berisha, pas rikthimit të tij në pas 11 muajsh mungesë, si pasojë e masës së sigurisë ‘arrest shtëpie’ dhënë ndaj tij nga Gjykata kundër Korrupsionit dhe Krimit të Organizuar, për çështjen ‘Partizani’. I shoqëruar nga Flamur Noka, Ina Zhupa, Edi Paloka, Elda Hoti, Luan Baçi e Isuf Çela, Berisha zgjodhi që të njëjtin mesazh ta jepte edhe në italisht, për mediet italiane të pranishme në Kuvend. Berisha u rikthye, e tashmë nga fundi i sallës ku ishte zhvendosur nga Lulzim Basha, vjen në qendër të grupit, ku më herët qëndronte vetë ai. Por rikthimi i Berishës nuk pritet të jetë i qetë, pasi ai ka paralajmëruar përballje të fortë me qeverinë dhe kryeministrin Edi Rama, të cilin e akuzon se ka kapur të gjitha pushtetet. Vijimi i mosbindjes civile deri në sigurimin e një qeverie teknike do të jetë aksioni i pandalshëm i opozitës së udhëhequr nga Berisha, i cili poashtu ka sfiduar kryeministrin Edi Rama për debat publik. Që nga kërkesa për komision hetimor për Portin e Durrësit apo Komisioni i të Vërtetës, do jenë synimet e demokratëve, të cilët poashtu kërkojnë vendosjen e një minimumi jetik prej 200 eurosh.