Është shoqëruar me tensione dhe debate mbledhja e këshillit bashkiak në Maliq, e cila ishte thirrur jashtë radhe nga opozita në lidhje me reformën territoriale. Në rendin e ditës ishte parashikuar miratimi i qëndrimit zyrtar të këshillit bashkiak Maliq për shkrirjen ose jo të bashkisë, për t’ja përcjellë Kuvendit të shqipërisë. Mbledhja ishte njoftuar të zhvillohej rreth orës 10 por për shkak të deklaratës së grupit të këshilltarëve të majtë ku thanë për të mos u shprehur me vendimmarrje në lidhje me propozimin që duhet ti dërgohet parlamentit, kryetari i këshillit ka deklaruar mbylljen e mbledhjes. Takimi zgjati vetëm 20 minuta dhe u mbyll, ndërsa kjo ka shkaktuar reagime nga këshilltarët e opozitës dhe qytetarët të revoltuar. Salla u boshatis nga këshilltarët e majtë brenda disa sekondash, ndërkohë që pjesa tjetër e opozitës vijoi me deklaratat.