Një fluturim i Air India u detyrua të bënte ulje emergjente pas një kërcënimi me bombë - vetëm disa orë pas tragjedisë në Ahmedabad. Fluturimi AI 379 po udhëtonte nga Phuket, Tajlandë, drejt kryeqytetit të Indisë, Neë Delhi, por u detyrua të bënte ulje emergjence, papritur, pas një paralajmërimi për shpërthim, sipas autoriteteve. Ulja e emergjencës ndodhi më pak se një ditë pasi Fluturimi AI 171 i Air India me 242 pasagjerë në bord u rrëzua duke vrarë të gjithë, përveç një pasagjeri, në bord si edhe të tjerë në tokë. Fluturimi AI 379 u ngrit në orën 9:30 të mëngjesit sipas orës lokale dhe kaloi bregdetin perëndimor të Tajlandës përpara se të ulej përsëri vetëm disa minuta më vonë. Avioni bëri një harkim të gjerë rreth Detit Andaman përpara se të ulej përsëri në ishull, tregojnë të dhënat e Flightradar24. 156 pasagjerët u evakuuan në përputhje me protokollin e emergjencës, tha një zyrtar i Aeroporteve të Tajlandës. Ai tha gjithashtu se kërcënimi i frikshëm me bombë u mor në bordin e aeroplanit. Nuk u dhanë detaje të mëtejshme mbi natyrën e kërcënimit dhe mësohet se në bord nuk është gjetur asnjë bombë. Vitin e kaluar, linja ajrore dhe aeroporte të ndryshme indiane u përballën me një fushatë kërcënimesh të rreme për bomba.