Situata me Covid-19 në Shqipëri vazhdon të jetë e stabilizuar, ku prej ditësh numri i personave të infektuar ka qenë iu ulët. Ministria e Shëndetësisë në raportimin ditor ka bërë të ditur se në 24 orët e fundit janë kryer 3169 testime, nga të cilat 39 qytetarë kanë rezultuar pozitivë me koronavirus. Nga këto raste 6 janë shënuar në Gjirokastër, 4 raste në Shkodër, nga 3 raste në Tiranë, Devoll, Berat, Vau i Dejës. Ndonëse numri i të prekurve nga covid 19 është i ulët, sërish është shënuar 1 viktimë për shkak të komplikacioneve të shkaktuar nga virusi, dhe është një 72 vjecare nga qyteti i Fierit. Numri i përgjithshëm i viktimave në më shumë se 14 muaj të pandemisë ka shkuar në 2436. Është ulur edhe me tej numri i të shtuarve në 2 spitalet Covid ku po trajtohen 71 pacientë, nga të cilët 7 prej tyre janë në terapi intensive. Po në këtë hark kohor, janë shëruar 986 qytetarë, duke e çuar numrin e të shëruarve në 126,405 që nga fillimi i epidemisë. Në total që nga fillimi I pandemisë në vendin tonë kanë reszultuar pozitivë 132 071 prsona. Ndërsa numri i rasteve aktive është ulur së fundmi ndeshëm, dhe aktualisht janë 3230 persona të infektuar në të gjithë vendin. Kujtojmë se dy muaj më parë numri I rasteve aktive në vend arriti në nivelin më të lartë dhe ishin përkatësiht mbi 35 mijë të prekur nga koronavirusi.