Bordi i Transparencës rishikoi për herë të tretë radhazi me ulje çmimin e shitjes së naftës dhe benzinës. Sipas vendimit të marrë këtë të martë, nafta ulet me tre lekë, si në tregun e pakicës, ashtu edhe në atë të shumicës. Bordi thotë se me pakicë, çmimi tavan për shitjen e naftës nuk duhet të jetë më shumë se 180 lekë, ndërsa në tregun e shumicës jo më shumë se 168 lekë. Ulje pësoi edhe tregtimi i benzinës. Bordi caktoi tavanin e ri për shitjen me pakicë të saj në 168 lekë për litër dhe 156 lekë për litër në tregun e shumicës. Çmimet e reja pasojnë lajmin se SHBA dhe Irani kanë arritur marrëveshjen për hapjen e Hormuzit, që ishte arsyeja kryesore e rritjes së çmimit të karburanteve në tregjet globale prej fundit të muajit shkurt.