Qyteti i Korçës edhe e gjithë zona përreth deri në fshatin turistik të Dardhës janë zbardhur nga dëbora mëngjesin e sotëm . Sipas raportimeve nga Korça trashësia e borës ka arritur nga 5-10 cm dhe reshjet kanë vijuar deri në 2 të mëngjesit. Në të gjitha akset nacionale që kalojnë në zonë konfirmohet se ka prezencë bore dhe si pasojë e uljjes së temperaturave është krijuar edhe një shtersë akullie. Policia e qarkullimit rrugor u ka bërë thirrje drejtuesve të mjeteve për kujdes dhe të pajisen me gomat e dimrit dhe zinxhirë. Edhe Bulqiza e gjithë zona përreth është zbardhur nga reshjet e borës, dhe trashësia e saj vijon nga 3 centimeter ne qytet deri ne 20 centimeter ne zonat e thella, kryesisht ne njesinë administrative Trebisht, Ostren dhe në Martanesh. Gjatë natës dhe mëngjesin e së enjtes në rrugë ka patur edhe prezencë të ngricave si pasojë e uljeve të temperaturave. Në disa rrugë dytësore dhe në rrugën e Qafës së Buallit në zonën D ku kalojnë mjetet e transportit të minatorëve dhe e kromit, lëvizja bëhet vetëm me zinxhirë.