Shërbimi ukrainas i sigurisë, SBU, tha se kishte zbuluar një skemë korrupsioni për blerjen e armëve nga ushtria e vendit që shkonte deri në rreth 40 milionë dollarë. Njoftimi i mashtrimit masiv në prokurime, konfirmuar nga ministria e mbrojtjes e Ukrainës, do të ketë pasoja të rënda në një vend të mbërthyer thuajse prej dy vitesh në luftë me rusinë. Lufta për të crrënjosur korrupsionin masiv mbetet një ndër sfidat e mëdha me të cilat ukraina përballet ndërsa kërkon anëtarësimin në Bashkimin Evropian. SBU tha se një hetim kishte ekspozuar disa zyrtarë të ministrisë së mbrojtjes dhe menaxherë të furnizuesit me armë Lviv Arsenal, që kanë vjedhur rreth 1.5 miliard Hryvnias në blerjen e predhave. Sipas hetimit, ish zyrtarë të lartë dhe zyrtarë aktualë të ministrisë së mbrojtjes, si edhe shefa të kompanive të lidhura, janë përfshirë në aferë. Kjo e fundit kishte të bënte me blerjen e 100 predhave të mortajave për ushtrinë. SBU tha se një kontratë për predhat ikshte lidhur me Lviv Arsenal në gusht 2022, gjashtë muaj pas fillimit të luftës, dhe pagesa ishte bërë në avancë me disa prej fondeve të transferuara jashtë. Por, nuk ishin siguruar ndërkohë armët, thotë deklarata, ndërkohë që disa fonde ishin zhvendosur në llogari të tjera jashtë vendit. Deklarata tha se pesë individë ishin vënë nën hetim në ministri dhe në furnizuesin me armë. Një i dyshuar është arrestuar ndërsa përpiqej të kalonte kufirin ukrainas. Korrupsioni në ushtri ka qenë një cështje vecanërisht e ndjeshme në ukrainë, ndërkohë që vendi përpiqet të mbajë lart moralin e publikut në kohë lufte dhe të bëjë përpara drejt BE-së. Ministri i mbrojtjes, Oleksii Reznikov ishte shkarkuar shtatorin e kaluar në lidhje me një seri rastesh korrupsioni, pavarësisht se gëzonte një reputacion të fortë në përfaqësimin e ukrainës në diskutimet e saj me aleatët perëndimorë. Edhe pse ai vetë nuk dyshohet se është angazhuar personalisht në korrupsion, disa skandale kanë goditur ushtrinë nën drejtimin e tij, një për furnizimin e trupave me ushqim dhe një tjetër për prokurimin e pajisjeve dhe veshjeve të përshtatshme për ushtarët.