Mijëra trupa ukrainase që sulmuan rajonin e Kurskut të Rusisë gushtin e kaluar janë pothuajse të rrethuar nga forcat ruse atje në një goditje të rëndë ndaj Kievit, i cili shpresonte të përdorte kontrollin e këtij rajoni si kartë në biseidmet e paqes me Moskën, ka raportuar Reuters. Agjencia e lajmeve tha se hartat tregonin se situata e Ukrainës në Kursk ishte përkeqësuar ndjeshëm në tre ditët e fundit, pasi forcat ruse rimorën territorin si pjesë e një kundërofensivë që pothuajse ka ndarë forcën ukrainase në dysh dhe ka ndarë grupin kryesor nga linjat e tij të furnizimit. Situata e vështirë për Ukrainën vjen pasi Uashingtoni pezulloi ndarjen e tij të inteligjencës me Kievin dhe rrit mundësinë që forcat e tij të detyrohen të tërhiqen përsëri në Ukrainë ose të rrezikojnë të kapen rob apo vriten. "Situata për Ukrainën në Kursk është shumë e keqe," thonë ekspertët sipas të cilëve, Kievi ka një zgjedhje të vështirë për të bërë.