Në dy vjet e gjysmë luftë, ky ishte një inkursion i paprecedentë i Ukrainës në Rusi. Putin tha në takimin e Kremlinit se ishte "një tjetër provokim i madh" nga Kievi. Guvernatori në detyrë i rajonit shpalli gjendjen e jashtëzakonshme, duke e përshkruar situatën si "shumë të vështirë". Mbi të gjitha, kjo ishte poshtëruese për një shtet rus që krenohet me mbrojtjen e atdheut. Sulmi i Kurskut ishte një veprim i guximshëm nga ushtria ukrainase. Pavarësisht humbjes së vazhdueshme të terrenit në Donetskun lindor, kievi zgjodhi të dërgojë elementë të brigadave me përvojë në territorin rus, me qëllimet e dukshme për të turpëruar Kremlinin dhe për të detyruar Ministrinë e Mbrojtjes ruse të rishpërndajë burimet ndërkohë që mes vetë ukrainasve u ngrit morali. George Barros në Institutin për Studimin e Luftës me qendër në Uashington thotë se ukrainasit "arritën befasi operacionale përkundër mosmarrëveshjeve të mëdha dhe aktualisht po shfrytëzojnë mungesën e gatishmërisë së Rusisë në zonat e saj kufitare". E njëjta taktikë funksionoi në shtator 2022, kur ata rikuperuan pjesën më të madhe të rajonit të pushtuar të Kharkivit brenda një jave. Regjimenti rus i ngarkuar me mbrojtjen e kësaj pjese të kufirit braktisi pozicionet e tij. Disa dhjetëra ushtarë u kapën rob, duke bërë që presidenti Volodymyr Zelensky të shprehte të premten "mirënjohje të veçantë për luftëtarët dhe njësitë që po rimbushin "fondin e këmbimit" - duke marrë pushtuesit si robër dhe duke ndihmuar kështu në çlirimin e popullit ukrainas nga robëria ruse". E ndërkohë, brenda rusisë është ndezur zemërimi për luftën. Trupat ukrainase, sipas ekspertëve, nëse përforcohen mund të shtyhen akoma më shumë në rusi. Por mbajtja e territorit rus nën kontroll është përtej kapacitetit të tyre e ndoshta edhe përtej qëllimit. Operacioni në kursk, sidoqoftë tregoi se ukraina ka ende energjinë dhe imagjinatën për të befasuar armikun dhe për të poshtëruar kremlinin, në një kohë kur lajmet nga vija e frontit ishin të zymta për Kievin.