Forcat ruse njoftuan se rrëzuan 17 dronë ukrainas gjatë natës. Sipas autoriteteve ruse, mbrojtja ajrore rrëzoi dy drone mbi Belgorod, tre mbi Kursk, tre mbi Kaluga dhe nëntë të tjerë mbi Briansk. Në Kaluga dronët u rrëzuan pranë një depoje nafte, që besohet se ishte shënjestra e tyre. Zyrtarët ukrainas nuk i komentuan këto pretendime, të cilat nuk mund të verifikohen në mënyrë të pavarur. Në javët e fundit, forcat ukrainase kanë nisur një seri sulmesh me dron që synojnë të dëmtojnë industrinë e naftës të Rusisë, e cila është thelbësore për të mbështetur përpjekjet luftarake të Moskës. Një nga rafineritë e naftës u vu në shënjestër në Kaluga në mes të marsit në një sulm që thuhet se është kryer nga agjencia e inteligjencës ushtarake të Ukrainës.