Kryenegociatori i Donald Trump, ka shtyrë Volodymyr Zelenskin t'ia dorëzojë të gjithë rajonin e Donetskut Rusisë me qëllim që t'i japë fund luftës në Ukrainë. Steve Ëitkoff, i cili është takuar me presidentin rus Vladimir Putin, pesë herë këtë vit, i tha delegacionit ukrainas që vizitoi Shtëpinë e Bardhë të premten e kaluar se duhet të dorëzonte territorin që kontrollojnë forcat e tij. Kjo është një nga kërkesat kryesore të bëra nga Putini, i cili bëri të qartë në një telefonatë me Trump javën e kaluar se ai ende dëshiron që Ukraina të heqë dorë nga pjesa e tokës si parakusht për paqen, raportoi The Ëashington Post. Megjithatë, dorëzimi i Donetskut është një vijë e kuqe për Ukrainën, e cila ka refuzuar prej kohësh të heqë dorë nga territori të cilin Rusia nuk ka arritur ta kontrollojë plotësisht pavarësisht luftimeve që kanë nisur që nga viti 2014. Kievi ka ende nën kontroll rreth një të katërtën e Donetskut. Toka është pjesë e të ashtuquajturit "rrip i fortifikuar", një varg qytetesh të mbrojtura fort që pengojnë Rusinë të bëjë përpara. Në një takim në Zyrën Ovale, Ëitkoff, titulli zyrtar i të cilit është i dërguari special në Lindjen e Mesme, vuri në dukje se shumica e popullsisë në Donetsk është rritur duke folur rusisht, raportoi The Ëashington Post duke cituar dy zyrtarë të lartë të njohur me bisedën. Ky pretendim i bën jehonë propagandës ruse që është përpjekur të justifikojë pushtimin e Putinit. Ndërsa Ukraina lindore historikisht ishte më pro-Moskës, simpatitë kanë ndryshuar gjatë rrjedhës së luftës dhe shumëkush tani e hedh poshtë trashëgiminë ruse. Vetë Trump, i cili u ka bërë thirrje të dyja palëve të "ndalojnë vrasjet" dhe të "bëjnë një marrëveshje", ka rënë dakord të takohet me Putinin në Hungari brenda dy javësh. Por këmbëngulja e vazhdueshme e presidentit rus për dorëzimin e Donetskut tregon se ka një pengesë të madhe drejt marrëveshjes së armëpushimit. Në telefonatën me Trump, putin thuhet se ka pranuar që Rusia të heqë dorë nga rajonet e Zaporizhias dhe Khersonit, që aktualisht janë të pushtuara nga trupat e tij, në këmbim të Donetskut. n