Sekretari i përgjithshëm i NATO-s, Mark Rutte, thotë se Putini po e përdor Ukrainën si "vend testimi për raketat eksperimentale" dhe se ai "nuk është i interesuar për paqen". Ai i bëri komentet ndërsa ministria e jashtme e Ukrainës tha se vendi nuk do të kënaqej me asgjë më pak se anëtarësimi në NATO për të garantuar sigurinë e tij në të ardhmen. "Unë do të thosha më shumë ndihmë ushtarake dhe më pak diskutime se si do të dukej një proces paqeje", tha Rutte për Sky Neës. Ministrat e jashtëm nga 32 vendet anëtare të aleancës, janë mbledhur në bruksel në ditën e dytë të një takimi ku ukraina është kryefjalë. Rutte, ish-kryeministri i Holandës, tha se Putin nuk ishte i interesuar për paqen dhe po përpiqej të merrte më shumë territor ukrainas sepse ai "mendon se mund të thyejë vendosmërinë e Ukrainës dhe të aleancës, por ai e ka gabim". “Agresioni i Rusisë nuk tregon asnjë shenjë zbutjeje, përkundrazi, shihet e kundërta, Putin po rrit retorikën dhe veprimet e tij të pamatura”, tha Rutte. "Ai po përdor Ukrainën si një terren testimi për raketat eksperimentale dhe po vendos ushtarë të Koresë së Veriut në këtë luftë të paligjshme".