SHBA po e kushtëzon ofertën e saj për garanci sigurie për një marrëveshje paqeje në Ukrainë me kushtin që Kievi të heqë dorë nga i gjithë rajoni lindor i vendit, Donbas, dhe t’ia japë atë rusisë tha Presidenti Volodymyr Zelenskiy në një intervistë për Reuters. Me Shtetet e Bashkuara që janë përqendruar në konfliktin e tyre me Iranin, Presidenti Donald Trump po ushtron presion mbi Ukrainën në një përpjekje për t'i dhënë fund shpejt luftës katërvjeçare të shkaktuar nga pushtimi i Rusisë në vitin 2022, tha Zelenski. "Lindja e Mesme padyshim ka një ndikim te Trump dhe mendoj edhe në hapat e tij të ardhshëm. Presidenti Trump, për fat të keq zgjedh një strategji të ushtrimit të më shumë presioni mbi palën ukrainase", tha ai. SHBA-ja, Rusia dhe Ukraina kanë mbajtur tre raunde bisedimesh trepalëshe të nivelit të lartë në Abu Dhabi dhe Gjenevë këtë vit në një përpjekje për të negociuar një fund të konfliktit më të përgjakshëm të Evropës që nga Lufta e Dytë Botërore, i cili ka shkatërruar pjesë të mëdha të Ukrainës dhe ka vrarë qindra mijëra njerëz. Udhëheqësi ukrainas ka thënë vazhdimisht se nevojiten garanci të forta sigurie nga partnerët ndërkombëtarë për të siguruar që Rusia të mos rifillojë luftëra në të ardhmen, nëse arrihet ndonjë marrëveshje paqeje.