Ukraina sulmoi një nënstacion energjie në Krimenë e pushtuar nga Rusia, një depo nafte dhe një stacion hekurudhor në portin rus të Detit të Zi të Novorosiskut dhe një rafineri nafte në qytetin port Tuapse gjatë natës, tha një burim i inteligjencës së Kievit për Reuters. Kievi ka shtuar sulmet ndaj objekteve energjetike thellë brenda territorit rus, për cka ata thonë se janë objektiva legjitime ushtarake që mbështesin luftën 27-mujore të Moskës në Ukrainë. Sulmet kanë çuar në rënie të kapacitetit të përpunimit të naftës. Sulmet e së premtes, ishin një operacion i përbashkët i kryer nga Shërbimi i Sigurisë së Ukrainës (SBU) dhe agjencia e inteligjencës ushtarake HUR, shtoi burimi. Ukraina lëshoi dronë mbi një rafineri në Tuapse, e që po riparohej pas një sulmi të mëparshëm. “Pas këtyre shpërthimeve, ata duhet të rifillojnë riparimet”, tha burimi. Zyrtarët rajonalë rusë raportuan një zjarr në rafineri pas sulmit. Më vonë flakët u shuan, thanë ata. Tuapse ka një kapacitet vjetor prej 240,000 fuçish naftë në ditë. Rafineria u godit në janar ndërkohë që ajo nisi gradualisht punën në fund të prillit. Në anën tjetër, burimi tha se sulmet ukrainase shkaktuan shpërthime në portin e Novorosiskut dhe në Gjirin e Sevastopolit, në gadishullin e aneksuar të Krimesë. Sulmi në termocentralin në Sevastopol shkaktoi ndërprerje të energjisë elektrike, tha burimi. Guvernatori lokal Mikhail Razvozhaev tha se stacioni ishte dëmtuar dhe paralajmëroi për "probleme të izoluara". inistria ruse e mbrojtjes tha se mbrojtja ajrore e saj shkatërroi 102 dronë ukrainas dhe gjashtë dronë detar në Detin e Zi gjatë natës.