Sistemet ruse të mbrojtjes ajrore kanë shkatërruar 38 dronë që ukrainë lëshoi mbi gadishullin e krimesë, mëngjesin e të dielës – tha ministria ruse e mbrojtjes pas raporteve në mediat sociale të ukrainës dhe rusisë për shpërthime të forta në portin e Feodosias. Ministria ruse e mbrojtjes nuk tha nëse kishte dëme apo të lënduar në deklaratën e saj në aplikacionin e mesazheve telegram. Trafiku rrugor afër Feodosias u kufizua, thanë më herët zyrtarët e instaluar nga rusia në Krime. Trafiku në urën që lidh gadishullin e krimesë me rusinë u ndal për disa orë po ashtu. Mediat sociale ruse dhe ukrainase cituan banorë të Feodosias që raportonin shpërthime të fuqishme në zonë, afër portit dhe në një depo nafte rreth orës 2 të mëngjesit sipas orës lokale, të dielën. Agjencia e lajmeve Reuters thotë se nuk ka mundur të verifikojë në mënyrë të pavarur raportimet. Dhe zyrtarët ukrainas nuk kanë bërë komente.