Pak ditë më parë, disa media ruse raportuan se helikopteri me të cilin udhëtonte presidenti Vladimir Putin u përball me një incident luftimi gjatë vizitës së tij në rajonin e Kurskut, por e gjitha kjo duket se është një sajesë e autoriteteve ruse. Ministria ruse e Mbrojtjes tha se gjatë udhëtimit të Putinit në rajonin kufitar ku Kievi më parë organizoi një inkursion, helikopteri i tij u shënjestrua nga dronët ukrainas. Por duke cituar zyrtarë aktualë dhe ish-zyrtarë rusë, The Moscoë Times raportoi se ky version u sajua nga autoritetet për të bindur publikun se Putin po bënte të njëjtat sakrifica për vendin e tij si qytetarët e zakonshëm. Autoritetet ruse, duke theksuar se as Putin nuk ishte imun ndaj kërcënimit të paraqitur nga Ukraina, mund të jenë duke ndjekur një strategji që synon të ushqejë mbështetjen për luftën që ai filloi në Ukrainë.