Shtabi i Përgjithshëm i ushtrisë ukrainase tha të martën se ka kryer sulme me raketa dhe ka shkatërruar dy helikopterë rusë, një depo municionesh dhe artileri. Megjithatë, ushtria nuk dha detaje se në cilën zonë kanë ndodhur sulmet me raketa. Në anën tjetër, Qendra për komunikime strategjike e forcave të armatosura të Ukrainës tha në Telegram se forcat ukrainase kanë kryer sulme të suksesshme ndaj helikopterëve rusë dhe pajisjeve të tjera në një bazë ajrore afër qytetit të pushtuar të Luhanskut në rajonin lindor të Donjeckut, por edhe në Berdjanska, në rajonin jugor të Zaporizhjës. Megjithatë, zyrtari i emëruar nga Moska në pjesën e pushtuar të Zaporizhias, Vladimir Rogov, tha se raketat ukrainase janë shkatërruar. Një ditë më parë, zyrtarët ushtarakë ukrainas raportuan se gjatë kësaj jave ushtria ukrainase ka shkatërruar tre avionë luftarakë rusë Su-25 në rajonin e Donjeckut.