Mbrojtja ajrore në kryeqytetin ukrainas, Kiev, ka zmbrapsur një sulm “masiv” rus me dronë gjatë natës. Guvernatori rajonal i Kievit tha se ushtria ukrainase ka shkatërruar 32 nga 35 dronë të prodhimit iranian. “Edhe një sulm masiv ndaj kryeqytetit. Këtë herë armiku përdori dronë, që sipas informacioneve paraprake, ishin të llojit Shahed”, shkroi në Telegram guvernatori Sehiy Popko. Ai shtoi se ky ishte sulmi i parë ndaj Kievit në 18 ditët e fundit. Ende nuk ka informacione për viktima apo dëme. Gjatë natës, shënjestër e sulmeve ajrore ruse ishin edhe rajonet e Zaporizhjës dhe Lvivit. Zyrtarët thanë se në Lviv është goditur infrastrukturë kritike. Në Zaporizhja, në shënjestër u vendosën linjat e komunikimit, bizneset, por edhe zonat e banuara, tha shefi i administratës rajonale ushtarake në Zaporizhja, Yuri Malashko. Në këto dy rajone nuk raportohet për viktima.