Bilanci i luftës në Ukrainë po rëndohet dita-ditës për presidentin rus Vladimir Putin, pasi dorcat e Armatosura të Ukrainës kanë vrarë më shumë se 42 mijë trupa ruse që nga fillimi i luftës në fund të shkurtit. Lajmi bëhet me dije nga Shtabi i Përgjithshëm i Forcave të Armatosura të Ukrainës , i cili thotë se Rusia ka humbur po ashtu gjithashtu 1,800 tanke. Sipas Ukrainës, ushtria ruse ka hubur edhe 4000 automjete luftarake të blinduara, 970 sisteme artilerie, 260 sisteme raketash të shumëfishta, 133 sisteme kundërajrore. Po ashtu Ukraina thotë se ka shkatërruar 232 aeroplanë luftarake dhe 15 anije. Sipas mediave ukrainase, së fundmi trupat ruse kanë pësuar humbjet më të mëdha në drejtim të Donjeckut. Trupat ruse po bombarojnë dhe shkatërrojnë objektet kryesore të infrastrukturës në Ukrainë, duke qëlluar në qytete dhe fshatra në Lindje dhe në Jug të vendit me artileri, sisteme të shumta raketash dhe raketa balistike.