Dy nga avionët më të rëndësishëm të flotës së Vladimir Putinit, me vlerë mbi 300 milionë dollarë, janë shkatërruar nga Ukraina. Një avion spiun rus thjeshtë u zhduk nga qielli ndërsa një bombardues mori flakë pasi forcat ukrainase i qëlluan mbi Detin Azov. E kjo, mund të konsiderohet një nga ditët më të këqia të forcave ajrore ruse që nga fillimi i pushtimit të Ukrainës. Bombarduesi Il-22M me vlerë mbi 30 milionë dollarë, mundi të kthehej në bazën nga ku ishte nisur, mes flakëve, në dukje edhe me të lënduar a viktima ndërsa avioni spiun A-50, me vlerë 270 milionë dollarë u zhduk pak pasi ishte nisur për patrullim, pranë zaporizhias. Për momentin është e paqartë nëse ky i fundit është goditur nga raketat ukrainase apo nga zjarri mik i vetë rusëve... Rusia ka pësuar në mënyrë të përsëritur humbje nga zjarri mik, cka flet për armë defektoze por edhe për komandim dhe kontroll të keq. Ushtria ukrainase tha fillimisht se i kishte rrëzuar avionët pranë urës së krimesë...por më pas u raportua se ngjarja kishte ndodhur mbi Strilkove, në Kherson. Raportet thonë se avionët kishin ndjekur të njëjtat trajektore për muaj të tërë.