Ushtria e Kievit tha të martën se kishte goditur një depo të madhe armësh të Rusisë, pranë qytetit Karachev, në rajonin e Bryanskut që shtrihet mbi 110 km larg nga kufiri me Ukrainën. Sulmi u pasua nga 12 shpërthime të mëdha në zonë, tha shtabi i përgjithshëm i ushtrisë ukrainase në një deklaratë në aplikacionin Telegram. “Shkatërrimi i depove të municioneve do të vazhdojë për ushtrinë e pushtuesve rusë me qëllim që të ndalojmë agresionin e armatosur të Federatës Ruse kundër Ukrainës”, thuhet në deklaratë. Ministria ruse e mbrojtjes tha se forcat e saj shkatërruan 16 dronë ukrainas mbi rajonin e Bryanskut mëngjesin e të martës. Ukraina shpesh përdor dronë të prodhuar në vend për të goditur objektivat thellë brenda Rusisë. Ushtria nuk specifikoi se cfarë arme ishte përdorur për sulmin. Kievi mori leje nga shtëpia e bardhë një ditë më parë, për të përdorur armët e furnizuara nga SHBA për të goditur thellë Rusinë, raportuan mediat ndërkombëtare, duke cituar burime që thanë se Kievi do të fillonte këto sulme në ditët në vijim. Por, nuk kishte asnjë tregues të menjëhershëm se armët amerikane ishin përdorur për të shkatërruar arsenalin rus në Karaçev.