Presidenti rus Vladimir Putin ka akuzuar Ukrainën për kryerjen e “një provokimi tjetër të madh”, pasi zyrtarët e mbrojtjes thanë se rreth 300 trupa ukrainase hynë në rajonin Kursk të Rusisë të martën. Luftimet thuhet se po vazhdojnë në zonë, pasi Moska tha se trupat e Kievit, të mbështetur nga 11 tanke dhe më shumë se 20 automjete të blinduara luftarake, kaluan kufirin pranë qytetit Sudzha, 10 km larg nga vija e frontit. Mijëra njerëz kanë lënë shtëpitë e tyre në rajon, thanë zyrtarët ndërsa vetë Ukraina ende nuk ka bërë komente. Duke folur përpara një takimi të Këshillit të Sigurimit në Moskë, Putin akuzoi forcat ukrainase se vunë në shënjestër ndërtesat dhe rezidencat civile. Luftimet thuhet se u zhvilluan në fshatra të ndryshëm në territorin rus gjatë të martës. Ato u pasuan nga sulmet ajrore ukrainase që vranë tre civilë dhe vazhduan gjatë natës, thanë autoritetet ruse.