Ukraina ka prezantuar një zëdhënëse virtuale, të krijuar nga Inteligjenca Artificiale, e cila do të informojë në kohë reale për ecurinë e luftës përballë pushtuesve rusë. Zëdhënësja virtuake, e quajtur Victoria Shi – sipas fjalës 'fitore' dhe shkurtesës ukrainase të 'Inteligjencës ARtificiale', ngjason shumë me një këngëtare dhe influencere ukrainase, Rosali Nombre, e cila ka pranuar me kënaqësi të ofrojë imazhin e saj. Zëdhënësja është e veshur me të zeza dhe mban një karficë me flamurin ukrainas. Në një video të publikuar nga Ministria e Punëve të Jashtme të Ukrainës, Zëdhënësja prezantoi veten dhe përshkroi rolin dhe funksionet e punës së saj, duke thënë se ajo ishte ndërtuar për të mbrojtur 'të drejtat dhe interesat e qytetarëve ukrainas'. Vendimi për të shtuar një zëdhënëse virtuale në Ministrinë e jashtme të ukrainës, nuk është një ekzagjerim, por është një kërkesë e këtyre kohëve – tha ministri i jashtëm i vendit, Dmytro Kuleba. “Në fund të fundit”, tha ai, “për të arritur rezultatet e nevojshme për vendin, duhet të shpejtohen të gjitha proceset dhe të jemi një hap përpara”.