Presidenti i Bullgarisë, Rumen Radev, nuk do të marrë pjesë në samitin e NATO-s që do të mabahet në korrik në Uashington. Lajmin e bëri të ditur zyra e tij që specifikoi se refuzimi i kreut të shtetit ka të bëjë me mosëmarrëveshjet për çështjen e luftës në Ukrainë. Radev “nuk pranon disa pika të kornizës së qëndrimeve të miratuar nga Këshilli i Ministrave që kanë të bëjnë me zotimet që shteti ynë duhet të ndërmarrë sa i përket luftës në Ukrainë”, u tha në njoftim. Qëndrimi vjen pak ditë pasi kryeministri në detyrë i Bullgarisë, Dimitar Glavçev, tha se Radev duhet të udhëheqë delegacionin bullgar. Radev për një kohë të gjatë kundërshton dërgimin e ndihmës ushtarake për Kievin, i cili po përballet me pushtimin e paprovokuar që Rusia nisi më 2022. Presidenti bullgar ka argumentuar se dërgimi i ndihmës vetëm do të zgjasë konfliktin. Samiti i NATO-s do të mbahet në Uashington nga 9 deri më 11 korrik.